Startseite Impressum / Kontakt Datenschutz (Disclaimer) Haftungsausschluss
Auto & Verkehr Bildung, Karriere & Schulungen Elektro & Elektronik Essen & Trinken Familie, Kinder & Zuhause Freizeit, Buntes & Vermischtes Garten, Bauen & Wohnen Handel & Dienstleistungen Immobilien Internet & Ecommerce IT, NewMedia & Software Kunst & Kultur Logistik & Transport Maschinenbau Medien & Kommunikation Medizin, Gesundheit & Wellness Mode, Trends & Lifestyle PC, Information & Telekommunikation Politik, Recht & Gesellschaft Sport & Events Tourismus & Reisen Umwelt & Energie Unternehmen, Wirtschaft & Finanzen Vereine & Verbände Werbung, Marketing & Marktforschung Wissenschaft, Forschung & Technik
  Pressemitteilungen heute: 4
  Pressemitteilungen gesamt: 284.500
  Pressemitteilungen gelesen: 36.648.690x
07.02.2018 | Internet & Ecommerce | geschrieben von Mustafa Ucar¹ | Pressemitteilung löschen

Ohne Stress durch de Fastelovendszigg Dodrop kütt et beim Online-Kauf vun Fastelovendskostüme aan

De Jecke sin loss: Vum 08. Februar bes 13. Februar sin de Stroße en vill Pläätz en Deutschlands widder üvversiet met Cowboys, Hexe un Piraten. Un weil sich echte Fastelovendsjecke nit zweimol em selve Kostüm sinn looße, weed off däglich e neu Outfit gebruch. Wä sich nit selver an et Nihe gitt, bestellt hüggzodags em Internet. Doch wat es, wenn dat Kostüm nit räächziggig aankütt oder ohne, dat Ehr domet gerechent hat, nit pass? Wat der Verbraucher beim Online-Shopping beaachte sollt, för de fünfte Johreszigg en volle (Fastelovends-) Zög zo geneeße, explezeet der Dr. Carsten Föhlisch, Räächsexperte bei Trusted Shops.

1. Wat dun, wenn da online bestellte Kostüm, dat als perfek beschrevve woodt, doch nit pass?
Dr. Carsten Föhlisch: Et Widderrofsrääch es beim Online-Shopping op 14 Dag befriss. De Friss fängk an däm Dag aan, an däm der Käufer de War kräge hät. Bei ener Hääd Lieferunge, die zosamme bestellt woode sin, läuf de Friss eesch av, wenn mer et letzte Pakett kräge hät. Hät der Händler nit oder nit richtig üvver et Widderrofsrääch beleht, verlängert sich die Friss öm ei Johr.
2. Gitt et Kostüme oder Accessoires, die mer nit zoröckgevve kann?
Dr. Carsten Föhlisch: Et gitt tatsächlich en Rötsch Saache, die mer nit ömtuusche kann. Dobei gehüre unger anderem Artikele, die noh däm, wat de Kunde vürgegovve han, aangefäädig weede oder eindeutig op de persönliche Bedürfnisse zogeschnedde sin. Wä sich alsu si moßgeschneidert Clownskostüm aanfäädige liet, dä sollt dringend beaachte, dat eine der Online-Händler dat nit zoröcknemme muss. Keine Grund doför, jet zoröckzonemme es allerdings, dat der Händler die War "extra bestellt" hät, oder wenn et sich öm e reduzeet Kostüm handelt.
3. Wenn ich krank gewoode ben un nit Fastelovend fiere kunnt - krige ich mi Geld för dat Kostüm, dat ich jo nit aanhatt, widder?
Dr. Carsten Föhlisch: Natörlich künne Verbraucher benne de eeschte 14 Dag, nohdäm se de Ware kräge han, vun ehrem Widderrofsrääch Gebruch maache un dat Kostüm, ohne aanzogevve, woröm, an der Händler zoröckschecke. Der Händler muss dann dat Geld, dat ald bezahlt wooden es, benne 14 Dag zoröckzogevve. Hä kann ävver mem Zoröckbezahle su lang waade, bes hä tatsächlich och et Kostüm widderkräge hät. Sin die 14 Dag eröm, hät der Käufer keine Aansproch mih, sing Bestellung zo widderrofe. En däm Fall muss hä dat bestellte Kostüm bezahle.
4. Wie secher es et, wenn ich ming Kostümbestellung per Vürkass bezahle?
Dr. Carsten Föhlisch: Grad wenn mer et eeschte Mol jet käuf, akzepteere Online-Shops off nor de Bezahlung per Vürkass, Nohnahme oder PayPal. Wenn per Vürkass bezahlt weed, gonn Online-Käufer met ener Geld-zoröck-Garantie op Nummer secher. Domet sin Verbraucher för e Beispill bei Probleme wie däm, dat jet nit gelivvert wooden es, abgesechert. Jede Shop, dä mem Trusted Shops Gütesiegel usgezeichent es, beed en Geld-zoröck-Garantie aan.
5. Wat passeet, wenn ich mi Fastelovendskostüm räächziggig bestelle un bezahle, et ävver eesch am Äschermeddwoch gelivvert weed?
Dr. Carsten Föhlisch: Online-Shops müsse konkrete Livverzigge bei Produkte aangevve, wenn se nit tirek livverbar sin. An die aangegovve Livverzigge muss sich dä Shop dann och halde. Es dat nit der Fall, hät der Käufer noh Frisssetzung de Möglichkeit, sich vum Verdrag zo lüse un unger Ömständ sugar ene Schadensersatzaansproch geltend zo maache. Wichtig: Et muss sich öm en verbindliche Ussag handele, för e Beispill "Livverung vür Wieverfastelovend". Nit verbindlich es beispillswies die Information "ca. 3-5 Dag". Wä sechergonn mööch, dat dat Wunschkostüm pünklich gelivvert weed, sollt beizigge vür dä jecke Dag bestelle, su dat och noch genog Zigg för ene Ömtuusch bliev. Un wä op der ganz sichere Sigg sin well, kann de Shoppingplattform vun Trusted Shops för sing Recherche noh Kostüm-Shops notze: Denn unger http://www.trustedshops.de weede nor Produkte vun sechere, zertifizeete Aanbeeder opgezallt.

¹ Für den Inhalt der Pressemeldung/News ist allein der Verfasser verantwortlich.
trustedshops.de
Trusted Shops GmbH
Subbelrather Str. 15c 50823 Köln

Pressekontakt
trustedshops.de
Trusted Shops GmbH
Subbelrather Str. 15c 50823 Köln

Weitere Meldungen in der Kategorie "Internet & Ecommerce"

| © devAS.de